Caesгris tempore in Gallia duo genera hominum erant, qui aliquo erant honore: druides et equites. Plebs enim servorum paene loco habebatur; itгque sors plebis gravis et tristis erat. Homines, cum ingenti tributo aut gravi injuria premebantur, in servitutem se nobilibus dabant. Fortuna nobilium felix erat. Plebs magno et gravi onere vectigalium premebatur, druides autem omni­bus tributis et militia liberi erant. Druides sacrificia publica et privata curabant et de omnibus controversiis publicis et privatis decernebant. Homines scelere turpi inquinati a druidibus gravi poena afficiebantur. De Gallorum moribus multa in Caesaris libro, qui Commentarii de bello Gallico inscribitur, legitis.